Taalmonument volmaanpieknieks 2015 2016

Glo jy aan die man in die maan of dat die maan van kaas gemaak is? Kom beskou die volmaan van nader tydens die Afrikaanse Taalmonument op Paarlberg se gewilde maandelikse Volmaanpieknieks. Volmaanpieknieks vind hierdie seisoen plaas op 24 Oktober (sonsondergang 19:07, maanopkoms 15:49), 21 November (sonsondergang 19:33, maanopkoms 14:39) en 26 Desember 2015 (sonsondergang 19:59, maanopkoms 20:44), asook op 23 Januarie en 20 Februarie 2016.

Dié pieknieks is baie gewild onder plaaslike inwoners én oorsese besoekers, wat veral die sonsondergang en naguitsig van die vallei geniet. ‘n Begeleide toer van die monument sal om 18:30 aangebied word, en die monument sal tot om 22:00 oop wees.

Besoekers is welkom om hul eie pieknieks saam te bring of een by Volksmond Koffiewinkel te bestel (tel. 021 863 2800). Volksmond sal oop wees vir koffie en ligte verversings. Besoekers moet onthou om flitse en warm klere saam te bring. Geen honde en vure word toegelaat nie. Veilige parkering is beskikbaar en toegang word beheer.

Kaartjies kos R25 vir volwassenes, R10 vir SA studente en R5 vir kinders (gratis onder ses jaar) en is by Computicket en by die hek beskikbaar. Geen besprekings is nodig nie. Jaarpermitte is by die Taalmonument beskikbaar teen R120 vir individue of R220 per gesin, wat toegang tot Volmaanpieknieks insluit.

Vir meer inligting oor geleenthede by die Taalmonument, skakel 021 863 0543/4809 of besoek www.taalmonument.co.za.

Die piekniekreeks word aangebied ten bate van Laat ons Lees!, die Taalmuseum se voorleesprojek vir kinders. Piekniekgangers word aangemoedig om ‘n nuwe of tweedehandse kinderboek saam te bring ter ondersteuning van dié projek.