Tag Archives: gemeenskapsbetrokkenheid

Vroue gevier en vereer

Vrydag was ‘n spesiale dag vir sowat 60 plaasvroue toe die Afrikaanse Taalmuseum en -monument (ATM) ‘n ete, vermaak, geskenke en besoek aan die ikoniese monument ter viering van Vrouemaand vir hulle moontlik gemaak het. Een besoeker, Rachel van Wyk, het die dag as leersaam en prettig beskryf. “Ons leer nog altyd, al is ons oud,” het sy gesê. Nog ‘n besoeker het die hele dag, waaronder haar eerste besoek aan die monument, as ‘n absolute voorreg beskryf. “Ons het dit nie geken nie, want in ons werkplek is dit net werk toe, huis toe, werk toe…ons is baie dankbaar vir hierdie geleentheid.” Die vroue is toegespreek deur Beverley Farmer, eienaar van Women in Wine. Farmer se maatskappy – die eerste wynprodusent wat slegs deur vroue besit en bestuur word – speel ‘n groot rol om beter werksomstandighede, vaardighede en erkenning vir vrouens in die wynbedryf te bewerkstellig. Die dag is een van die Taalmonument se projekte om na plaaslike mense uit te reik en sodoende relevant te wees vir die gemeenskap waarin ons onsself bevind.
www.taalmonument.co.za

This slideshow requires JavaScript.

Taalmonument bederf plaasvroue vir Vrouemaand

Vrouemaand by die ATM in 2018

Ter ere van Vrouemaand, borg die Afrikaanse Taalmuseum en -monument (ATM) ‘n ete, vermaak, geskenke en besoek aan die ikoniese monument op Paarlberg vir 60 vroue-plaaswerkers eerskomende Vrydag, 30 Augustus 2019. Die vroue van ‘n plaas te Groenberg buite Wellington sal met ‘n middagete by die Historium in die dorp bederf word waar hulle toegespreek sal word deur Beverley Farmer, eienaar van Women in Wine. Farmer se maatskappy – die eerste wynprodusent wat slegs deur vroue besit en bestuur word – speel ‘n groot rol om beter werksomstandighede, vaardighede en erkenning vir vrouens in die wynbedryf te bewerkstellig. Die besoekers sal ook tydens die geleentheid deur ‘n digter vermaak word en geskenke ontvang, waarna hulle ‘n begeleide toer by die Taalmonument op Paarlberg sal onderneem. www.taalmonument.co.za